हेटौंडामा स्रोत नखुलेको ४६ हजार अमेरिकी डलर र युरोसहित तीन भारतीय नागरिक पक्राउ परेका छन्। जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काको नेतृत्वमा खटिएको टोलीले हेटौंडा उपमहानगरपालिका-१ स्थित चौकीटोल चेकपोइन्टबाट उनीहरूलाई शनिबार राति साढे आठ बजे पक्राउ गरेको हो।

काठमाडौंबाट हेटौंडातर्फ आउँदै गरेको बा.प्र.०३-००१ ज ०७६५ नम्बरको यात्रुवाहक विद्युतीय माइक्रोबसमा सवार यात्रुहरूको शरीर र झोला खानतलासी गर्दा उक्त विदेशी मुद्रा फेला परेको प्रहरीले जनाएको छ।

पक्राउ पर्नेमा भारतको उत्तर प्रदेश जालौनका ४० वर्षीय विजय सिंह कुशवाह, गोरखपुरका २६ वर्षीय प्रशान्त पाठक र राजस्थान चित्तौडगढका ३२ वर्षीय राहुल कुमार मान्डावत रहेका छन्। कुशवाहको साथबाट १२ हजार अमेरिकी डलर, पाठकबाट १४ हजार युरो र मान्डावतबाट २० हजार अमेरिकी डलर बरामद भएको प्रहरीले जनाएको छ।

संबन्धित शिर्षकहरु

बालजागृतिका विद्यार्थीद्वारा स्क्र्याबलमा च्याम्पियनसिप उपाधि

हेटौंडा-१२ मा वडाध्यक्ष कप भलिबल हुने

हेटौंडा-१ बालमैत्री वडा घोषणा हुँदै

यो पनि हेर्नुहोस

हेटौंडामा एक महिला मृत फेला

हेटौंडा उपमहानगरको राजस्व संकलनमा वृद्धि

मउवा संघको नयाँ कार्यसमिति पूर्णता, सल्लाहकारमा ८ जना