हेटौंडा उपमहानगरपालिका वडा नम्बर १३ बालमैत्री स्थानीय शासनयुक्त वडा घोषणा भएको छ। “बालबालिकामा लगानी; सुनिश्चित भविष्यको थालनी” भन्ने नारासहित बुधबार एक कार्यक्रमबीच वडालाई निकृष्ट बालश्रम र बाल विवाहमुक्त घोषणा गरिएको हो।
वडाध्यक्ष पेम्बा लामाको अध्यक्षता र हेटौंडा उपमहानगरपालिकाकी प्रमुख मीना कुमारी लामाको प्रमुख आतिथ्यमा आयोजित कार्यक्रममा वडालाई बालमैत्री घोषणा गरिएको हो।
बालमैत्री वडा घोषणाका लागि तोकिएका ५१ सूचकमध्ये ४५ वटामा शतप्रतिशत, २ वटामा ९८ प्रतिशत, एउटामा ९६ र अर्को एउटामा ९५ प्रतिशत नतिजा प्राप्त भएको छ। बाँकी २ सूचकमा ८१ प्रतिशत उपलब्धि हासिल भएको छ। बालमैत्री घोषणाका लागि न्यूनतम ८० प्रतिशत आधारविन्दु पार गर्नुपर्ने प्रावधान रहेको छ।
८ हजार ८ सय ४२ जनसंख्या रहेको उक्त वडामा २ हजार ५ सय ७४ बालबालिका रहेका छन्। वडाले गत वर्ष मंसिर २५ गते सरोकारवालाहरूको उपस्थितिमा प्रतिबद्धतापत्रमा हस्ताक्षर गरी बालमैत्री अभियान सुरु गरेको थियो।
घोषणा कार्यक्रम अघि बालबालिकाको सहभागितामा झाँकीसहित पदमपोखरी बजार परिक्रमा गरिएको थियो। 
आजको पञ्चाङ्ग र राशिफल (वि. सं २०८३ जेठ ६ गते बुधबार, अधिक ज्येष्ठ शुक्लपक्ष चतुर्थी)
३० खर्ब हाराहारी पुग्यो सार्वजनिक ऋण
