कार्यक्रमलाई सम्बोधन गर्दै एसपी खड्काले नेपाल प्रहरी र इन्सेकबीचको पुरानो सहकार्य स्मरण गर्दै मानव अधिकार संरक्षणमा प्रहरी संवेदनशील रहेको धारणा राखे। उनले भने, “८० हजार प्रहरीमध्ये केहीले भावनामा बहिएर गल्ती गरे पनि ती घटनामा आवश्यक अनुसन्धान र कारबाही प्रक्रिया अगाडि बढाइएको छ।”

उनले जातीय विभेदका घटना बढ्दो क्रममा रहेको उल्लेख गर्दै यस्ता घटनाविरुद्ध सबैले मिलेर आवाज उठाउनुपर्नेमा जोड दिए।

कार्यक्रमका अध्यक्ष तथा इन्सेक बागमती संयोजक गणेश भण्डारीले प्रदेशस्तरीय मानव अधिकार अवस्थाको तथ्यांक प्रस्तुत गर्दै २०७९ माघदेखि २०८१ असारसम्म बागमतीमा २,१७७ वटा मानव अधिकारसम्बन्धी घटना दर्ता भएको जानकारी दिए। तीमध्ये ५ सयभन्दा बढी घटना साइबरसम्बन्धी रहेको उल्लेख गरियो।

कार्यक्रममा मकवानपुरकी गैरसरकारी संस्था अध्यक्ष रमिला सापकोटा, पत्रकार महासंघ बागमती उपाध्यक्ष हरी हुमागाई, प्रदेश सरकारका विभिन्न मन्त्रालय प्रतिनिधि, पत्रकार, नागरिक समाजका सदस्य लगायत सरोकारवालाहरूको उपस्थिति रहेको थियो।

छलफलले बागमती प्रदेशमा मानव अधिकारको समसामयिक अवस्थामाथि बहस गर्ने र आगामी दिनमा सुधारका प्रयासलाई थप सशक्त बनाउने भण्डारीले जानकारी  दिए।