यस वर्षको नवोदय MUN मा विश्व स्वास्थ्य संगठन (WHO), सुरक्षा परिषद् (UNSC), मानव अधिकार परिषद् (UNHRC), विकास कार्यक्रम (UNDP), श्रम संगठन (ILO), बाल कोष (UNICEF) र वातावरण कार्यक्रम (UNEP) लगायत संयुक्त राष्ट्रसंघका सात निकायमा आधारित छलफल हुनेछ। एजेन्डाहरूमा किशोर स्वास्थ्य, आणविक निशस्त्रीकरण, द्वन्द्वग्रस्त क्षेत्रमा मानव अधिकार, गरिबी उन्मूलन, बाल अधिकार संरक्षण र विकिरण प्रदूषणजस्ता मुद्दाहरू समेटिनेछन्।

कार्यक्रमको दोस्रो दिन ‘सोसल नाइट’ आयोजना गरिनेछ, जसमा सहभागीलाइ नृत्य, खेलकुद, फोटोबुथ, डिनर र अन्य रमाइला गतिविधिहरूको माध्यमबाट आपसी चिनजान र नेटवर्क विस्तारको अवसर प्रदान गरिनेछ।

नवोदयसँगै मकवानपुरको बाल विद्या सदन र कमाने एकेडेमी, नवलपरासीको आरम्भ एकेडेमी, बुटवलको एपेक्स विद्यालय, रौतहटको नेपाल पुलिस स्कूल, पोखराको लर्नर एकेडेमी र चितवनको इन्टरनेशनल स्कूलले सहभागिता जनाउने पक्का भएको छ।

कार्यक्रमका महासचिव निकेश श्रीवास्तवले बताएअनुसार, “यस कार्यक्रमले विद्यार्थीहरूमा नेतृत्व विकास, विचार प्रस्तुत गर्ने क्षमता, सहकार्यको भावना, समालोचनात्मक सोच र अन्तर्राष्ट्रिय समझदारी अभिवृद्धि गर्ने अपेक्षा गरिएको छ।”