हेटौँडा सिमेन्टका दुई सञ्चालक पदका लागि ७ जना अन्तर्वार्तामा

नेपाल कलम

२४ श्रावण २०८२, शुक्रबार प्रकाशित

उद्योग, वाणिज्य तथा आपूर्ति मन्त्रालयले हेटौँडा सिमेन्ट उद्योग लिमिटेडका रिक्त दुई सञ्चालक सदस्य पदमा नियुक्तिका लागि ७ जनालाई अन्तर्वार्तामा बोलाएको छ।

मन्त्रालयले सूचना जारी गर्दै प्रतिस्पर्धाका लागि स्वीकृत उम्मेदवारहरूको नामावलीसहित अन्तर्वार्ताको तालिका सार्वजनिक गरेको हो।

गत साउन ४ गते प्रकाशित सूचनाअनुसार प्राप्त दरखास्तहरूमध्येबाट ‘उद्योग, वाणिज्य तथा आपूर्ति मन्त्रालय सम्बद्ध सार्वजनिक निकायमा पदाधिकारी तथा सदस्यहरूको नियुक्ति तथा मनोनयन सम्बन्धी निर्देशिका, २०७८’ अनुसार उम्मेदवार छनोट गरिएको मन्त्रालयले जनाएको छ।