हेटौंडा/मदन भण्डारी स्वास्थ्य विज्ञान प्रतिष्ठान, हेटौंडा अस्पतालको निर्देशकमा वरिष्ठ कन्सल्टेन्ट अर्थोपेडिक सर्जन डा. रामचन्द्र सापकोटा नियुक्त भएका छन्। प्रतिष्ठानका उपकुलपति डा. प्रदिप ज्ञवालीको सिफारिसमा बागमती प्रदेशका स्वास्थ्य मन्त्री किरण थापाले सोमबार उनलाई औपचारिक रूपमा नियुक्ति पत्र प्रदान गरेका हुन्।

मन्त्री थापाले हेटौंडा अस्पताललाई प्रदेशकै उत्कृष्ट स्वास्थ्य सेवा तथा शिक्षा केन्द्रका रूपमा विकास गर्ने लक्ष्यअनुसार दक्ष नेतृत्वको खाँचो रहेको उल्लेख गर्दै डा. सापकोटा जस्तो अनुभवी चिकित्सकको नेतृत्वमा सेवा स्तर, शैक्षिक गुणस्तर र बिरामीमैत्री वातावरणमा सुधार हुने विश्वास व्यक्त गरे।

चितवन निवासी डा. सापकोटा यसअघि अस्पतालका कार्यवाहक निर्देशकका रूपमा कार्यरत थिए। उनले पोखरास्थित मणिपाल मेडिकल कलेजबाट एमबीबीएस र त्रिवि शिक्षण अस्पताल महाराजगञ्जबाट एमएस अर्थोपेडिक्स अध्ययन पूरा गरेका हुन्। लामो समयदेखि अर्थोपेडिक सर्जनका रूपमा सेवा गर्दै आएका उनले नियुक्तिपछि अस्पताललाई गुणस्तरीय, बिरामीमैत्री र शैक्षिक दृष्टिले अग्रणी बनाउन प्रतिबद्ध रहने बताए।

संबन्धित शिर्षकहरु

पूर्वप्रधानन्यायाधीश सुशीला कार्की प्रधानमन्त्री नियुक्त, संविधानको धारा ६१ मा आधारित अन्तरिम सरकार गठन

हेटौंडा बालसुधार केन्द्रबाट ७२ जना बालविदे भागे, २२ मात्र नियन्त्रणमा

भीमफेदी कारागारबाट २६० कैदी फरार, सेनाको फायरिङमा २ घाइते

यो पनि हेर्नुहोस

जेन–जी आन्दोलनमा प्रहरीको गोली: १९ जनाको मृत्यु, ३४७ जना घाइते

मुख्यमन्त्री कार्यालयमा समन्वय डेस्क स्थापना गर्ने निर्णय

मुख्यमन्त्री बानियाद्वारा न्वागी (छोनाम) पर्वको शुभकामना