बागमती प्रदेश सरकारले संविधान दिवस मनाउन विविध कार्यक्रमहरू आयोजना गर्ने भएको छ। आगामी असोज ३ गते मनाइने संविधान दिवसको अवसरमा सरसफाई अभियान, झन्डोत्तोलन, खेलकुद प्रतियोगिता, उत्कृष्ट एसईई विद्यार्थी सम्मान र वृक्षारोपण लगायतका कार्यक्रमहरू हुने भएका हुन्।

आन्तरिक मामिला तथा कानुन मन्त्रालय मन्त्री तथा सरकारका प्रवक्ता सुरजचन्द्र लामिछानेले सोमबार पत्रकार सम्मेलन गरी यी कार्यक्रमहरूबारे जानकारी दिनुभएको हो। बागमती प्रदेशका मुख्यमन्त्री बहादुर सिंह लामाको नेतृत्वमा ४३ सदस्यीय मूल समारोह समिति गठन गरिएको छ।

कार्यक्रमहरू असोज १ देखि ४ गतेसम्म चल्ने छन्। यस अवधिमा निबन्ध प्रतियोगिता, वृक्षारोपण, भलिबल खेल, रक्तदान जस्ता विविध गतिविधिहरू हुनेछन्। साथै, प्रभातफेरी र सांस्कृतिक झाँकीको आयोजना गरिनेछ। प्रदेशभर दीप प्रज्ज्वलन कार्यक्रम पनि हुने भएको छ।

संबन्धित शिर्षकहरु

मदन भण्डारी स्वास्थ्य विज्ञान प्रतिष्ठानमा नयाँ नियुक्तिहरू

महान् पर्व बडादसैँ सुरु, आज घटस्थापना

मकवानपुर इन्द्रसरोवरबाट दुई गर्भवती महिलाको हवाई उद्धार

यो पनि हेर्नुहोस

बालजागृतिका विद्यार्थीहरुद्वारा बृद्धाश्रममा सहयोग

राष्ट्रिय युवा संघ मकवानपुरद्वारा सिस्नेरी पहिरो पीडितको सम्झनामा दीप प्रज्वलन

बागमती प्रदेशको १४ औं अधिवेशन अन्त्य गर्न सिफारिस