राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले बागमती प्रदेशसभामा सरकार गठनका लागि राप्रपाले कुनै पनि दललाई समर्थन नगरेको स्पष्ट पारेका छन्।
नेकपा एमालेका किरण थापालाई मुख्यमन्त्री बनाउन दिइएको समर्थन पत्र पार्टीको निर्णयविपरीत भएको भन्दै लिङ्देनले यसबारे प्रदेश प्रमुखलाई जानकारी गराइसकेको बताए। पार्टी निर्णयविपरीत गतिविधिमा संलग्नमाथि अनुशासनको कारबाही प्रक्रिया अघि बढाइएको उनको भनाइ छ।
यता, प्रदेश प्रमुखको कार्यालयले भने बागमती प्रदेशबाट प्राप्त आधिकारिक निर्णयलाई नै मान्यता दिइने जनाएको छ। केन्द्रबाट पठाइएको पत्रको खासै कानुनी महत्त्व नरहने भन्दै कार्यालयले भोलि ४ बजेसम्म दलका नेताले समर्थन फिर्ता नलिए प्राप्त समर्थनकै आधारमा सरकार गठनको प्रक्रिया अघि बढ्ने जानकारी दिएको छ।
यससँगै बागमतीमा राप्रपाको समर्थनलाई लिएर पार्टी केन्द्र र प्रदेशबीच फरक–फरक दाबी देखिएको छ।
बागमतीमा किरण थापाको नेतृत्वमा सरकार गठनको दाबी, शपथ भोलि ४ बजेपछि
जुरिखेतमा ‘स्कारपियो’ दुर्घटनामा छ जना घाइते
एमाले बागमतीले बोलायो संसदीय दलको बैठक
हेटौंडामा तीनदिने हेटौंडा मोडल युनाइटेड नेसन्स सुरु
रोटर्याक्ट क्लब अफ मकवानपुरको अध्यक्षमा सुजन राई
