उता एमालेबाट निर्वाचित केही वडा अध्यक्षहरू बैठकमा उपस्थित भए पनि बैठक नबसेपछि फर्किएका थिए। हेटौंडा उपमहानगरको कार्यपालिका २९ सदस्यीय रहेको छ।

उपमहानगरका प्रवक्ता तथा वडा–१ का अध्यक्ष सविन न्यौपानेका अनुसार अघिल्लो बैठकमा ऐजेण्डामाथि छलफलको क्रममा कांग्रेसका प्रतिनिधिहरूले फ्लोर माग्दा पनि समय नपाउँदा हालको अवस्था उत्पन्न भएको हो।

‘हामीले धारणा राख्न समय मागेका थियौं, तर दिइएन। त्यसैले यस बैठकमा उपस्थित नभएकै हो,’ उनले बताए।

यसबीच, मेयर लामाले बिहीबार विहान ८ बजे कांग्रेसबाट निर्वाचित वडा अध्यक्ष तथा उपमेयरसँग समस्याबारे छलफल गरी सहमति जुटाउने प्रयास भइरहेको सचिवालय स्रोतले जनाएको छ।

‘छलफलपछि कार्यपालिका बैठक बस्ने तयारी भइरहेको छ,’ स्रोतले जानकारी दिएको छ ।