प्रदेश सरकार खेलाडीप्रति संवेदनशील रहेको उल्लेख गर्दै उनले खेलाडी व्यवस्थापन र विकासमा कुनै कमी हुन नदिने प्रतिबद्धता जनाइन्। खेलकुद क्षेत्रको विकासका लागि छिट्टै प्रदेशस्तरीय प्रतियोगिता तथा राष्ट्रपति रनिङ शिल्ड आयोजना गर्ने तयारी भइरहेको पनि उनले जानकारी दिइन्।

हाल ठूलो संख्यामा युवाहरू विदेश पलायन भइरहेको अवस्थालाई मध्यनजर गर्दै उनीहरूलाई देशमै अवसर सिर्जना गर्न खेलकुद क्षेत्रलाई सशक्त बनाउने आवश्यकता रहेको उनले औंल्याइन्।

मकवानपुर जिल्ला तेक्वान्दो संघका अध्यक्ष लालकाजीरत्न बज्राचार्यका अनुसार प्रतियोगितामा ११ जिल्लाका टोलीहरूको सहभागिता रहेको छ। प्रतियोगिता शुक्रबारसम्म सञ्चालन हुनेछ।

प्रतियोगितामा प्रथम, द्वितीय र तृतीय हुने टोलीलाई क्रमशः ५० हजार, ३५ हजार र २५ हजार रुपैयाँसहित शिल्ड, मेडल र प्रमाणपत्र प्रदान गरिनेछ। साथै विभिन्न विधामा उत्कृष्ट खेलाडीहरूलाई पनि विशेष पुरस्कारको व्यवस्था गरिएको छ।

उद्घाटन कार्यक्रममा प्रदेश खेलकुदका पूर्व बोर्ड सदस्य माधव तिमल्सिना, जिल्ला खेलकुद विकास समितिका अध्यक्ष राजकुमार मोक्तानलगायतको उपस्थिति रहेको थियो।