६ जना दम्पत्ति र एक एकल महिलाले निवेदन दिएकोमा उपमहानगरपालिकाले जाँचबुझपछि निःसन्तान ठोरी दम्पत्तिलाई शिशुको अभिभावकत्व प्रदान गरेको हो। उपमहानगरपालिकाले यसअघि नै “बालअधिकार संरक्षण तथा सम्वर्धन कार्यविधि-२०८०” निर्माण गरी शिशुको अभिभावकत्व लिने सम्बन्धमा स्पष्ट मापदण्ड तोकेको थियो।

सो कार्यविधिले शिशुका अधिकार संरक्षण गर्न अभिभावक व्यक्तिले पूरा गर्नुपर्ने शर्तहरू समेत निर्धारण गरेको छ। उपमहानगरपालिकाले उक्त दम्पत्ति निःसन्तान र भविष्यमा पनि सन्तान प्राप्त गर्ने अवस्था नदेखिएको, साथै सामाजिक र आर्थिक रूपमा समेत सक्षम देखिएकाले शिशुको अभिभावकत्व प्रदान गरेको हो। शिशु करिब ४ महिनाअघि बरामद भएको थियो।