विश्वभरीको तथ्याङ्क हेर्दा दृष्टिविहिनता हुनुमा जलविन्दु चौथो प्रमुख कारण रहेको उल्लेख गर्दै उहाँले आँखामा हुने पानीको उत्पादन र निकासको असन्तुलनले जलविन्दु हुने बताउनुभयो। जलविन्दु भइसकेपछि सुरुवाती चरणमा कुनै लक्षण नदेखिने र आँखा बन्द भइसकेपछि मात्र रोग पत्ता लाग्ने हुँदा समय-समयमा आँखाको प्रेशर जाँच गराउनुपर्ने उहाँको सुझाव छ।

जलविन्दु वंशानुगत, उमेरजन्य, आँखाको हेरचाहमा लापरबाही लगायतका कारणले हुने गरेको डा. थकालीको भनाइ छ। नेपालमा सन् १९८१ मा गरिएको पहिलो सर्वेक्षणअनुसार त्यतिबेला जलविन्दु र मोतिविन्दुका कारण ०.८४ प्रतिशत मानिसहरू अन्धा थिए।