हेटौडा/माध्यमिक शिक्षा परीक्षा (एसईई) आजबाट शुरु भएको छ।राक्सिराङ गाउँपालिकाबाट राक्सिराङको ५ वटा विद्यालयका २८१ विद्यार्थी परीक्षामा सहभागी छन्।
गाउँपालिका अध्यक्ष राजकुमार मल्लका अनुसार यसअघि मनहरीको परीक्षा केन्द्रहरूमा जानुपर्ने विद्यार्थीहरूले यसपटक आफ्नै गाउँपालिकामा परीक्षा दिन पाएका छन्। नियमित तर्फ २२० जना, ग्रेड वृद्धि तर्फ ३५ जना र प्राविधिक तर्फ २६ जना गरी २८१ जना विद्यार्थी परीक्षामा सहभागी भएका छन्।
टाढाबाटका विद्यार्थीहरू आफन्तकोमा आश्रय लिएर बसेका छन्। गाउँपालिकाले २०३ विद्यार्थीलाई खाद्यान्न समेत उपलब्ध गराएको छ।
कालिका मावि खैराङ, कालिका मावि राक्सिराङ, राष्ट्रिय मावि सिलिङे, सुर्योदय मावि देबिटार र श्री माविका विद्यार्थीले राक्सिराङमै परीक्षा दिनेछन्। एक केन्द्राध्यक्ष, सहायक केन्द्राध्यक्ष, निरीक्षक लगायत १२ जना कर्मचारी परिचालित छन्।
चेपाङ जातिको बाहुल्य रहेको राक्सिराङबाट १०४ जना चेपाङ विद्यार्थीले एसईई दिँदैछन्।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
