हेटौँडा उपमहानगरपालिका-४ मा आगामी असार ३२ गते विशेष स्वास्थ्य शिविर आयोजना हुने भएको छ।
वडा कार्यालय र नेपाल हृदय रोग निवारण प्रतिष्ठान नेपाल शाखाको संयुक्त आयोजनामा हुन लागेको यस स्वास्थ्य शिविरमा मुटु, ढाड, नसा र शारीरिक जाँच गरिने छ।
मंगलबार पत्रकार भेटघाट कार्यक्रममा बोल्दै वडाध्यक्ष नविन सिग्देलले शिविरमा मदन भण्डारी स्वास्थ्य विज्ञान प्रतिष्ठान र मकवानपुर सहकारी अस्पतालको पनि प्राविधिक सहयोग रहने बताए।
शिविरमा इसिजी, इको, रगत परीक्षण, एक्स-रे, अल्ट्रासाउण्ड लगायतका सेवा उपलब्ध गराइने र १५ दिनसम्म निशुल्क औषधि वितरण पनि गरिने उनले जानकारी दिए।
नगर टोल विकास समन्वय समिति, मोहन बज्राचार्य शहरी स्वास्थ्य केन्द्र, भुटनदेवी माविलगायत संस्थाको सहयोगमा हुने यस स्वास्थ्य शिविर हेटौँडा-४ स्थित रोयल पार्टी प्यालेसमा बिहान ८ बजेदेखि दिउँसो ४ बजेसम्म सञ्चालन हुनेछ।
कार्यक्रममा कार्यक्रम संयोजक निर्मला लामा, हृदय रोग निवारण प्रतिष्ठानका अध्यक्ष विजय बैद्य तथा, वडा सदस्यलगायतको उपस्थिति रहेको थियो।
मनहरी गाउँपालिका अध्यक्षद्वारा एकल महिलालाई घर निर्माण
मकवानपुरमा ३१ लाख मूल्यको अवैध सामान बरामद, तीन भारतीय नागरिक पक्राउ
बागमती प्रदेशमा संविधान दिवस: विविध कार्यक्रमसहित ४ दिने उत्सव
रैथाने बाली संरक्षण र हाट बजार सञ्चालनमा प्रदेश सरकारको सहयोग: मन्त्री श्रेष्ठ
महालक्ष्मी साहित्य पुरस्कार २०८० महाकाव्यकार मुना अर्याललाई
