नुवाकोट – नुवाकोटको शिवपुरी गाउँपालिका वडा नम्बर ७ सूर्यचौरमा बुधबार दिउँसो हेलिकप्टर दुर्घटना हुँदा पाँच जनाको मृत्यु भएको छ।
एयर डाइनेष्टीको नाइन एन-एजेडी कलसाइन भएको हेलिकप्टर काठमाडौंबाट रसुवातर्फ उड्दै गर्दा दुर्घटनामा परेको हो। हेलिकप्टर काठमाडौंबाट दिउँसो १ बजेर ५४ मिनेटमा उडेको थियो र उडानको तीन मिनेटपछि सम्पर्कविहीन भएको थियो।
Advertisement
जिल्ला प्रहरी कार्यालय नुवाकोटका डिएसपी तिलक भारतीले घटनास्थलमा पाँच जनाको शव फेला परेको पुष्टि गरे। “चार जना यात्रु र एक जना पाइलटको शव घटनास्थलमा फेला परेको छ,” उनले बताए।
डिएसपी भारतीका अनुसार मृतकहरूमा दुई पुरुष, एक महिला, एक पाइलट र एक अज्ञात व्यक्ति रहेका छन्। एक जनाको शव जलेको कारण पहिचान हुन नसकेको उनले जानकारी दिए।
घटनाको थप अनुसन्धान जारी रहेको प्रहरीले जनाएको छ।
तपाईको प्रतिक्रिया
संबन्धित शिर्षकहरु
यो पनि हेर्नुहोस
वि. सं.२०८३ सालका शुभ मुहूर्तहरु
आजको पञ्चाङ्ग र राशिफल (वि. सं २०८३ जेठ ६ गते बुधबार, अधिक ज्येष्ठ शुक्लपक्ष चतुर्थी)
