बागमती प्रदेश सरकारले लम्पी स्किन रोगविरुद्ध एक सप्ताहव्यापी खोप अभियान भोलिबाट सञ्चालन गर्ने तयारी गरेको छ।
कृषि तथा पशुपन्छी विकास मन्त्रालयले आज पत्रकार सम्मेलन गरी , यस रोगको प्रभावकारी उपचार नभएकाले, आउँदो शुक्रवारदेखि श्रावण ३० गतेसम्म बागमती प्रदेशका १३ वटै जिल्लाहरूमा यो अभियान सञ्चालन गर्ने जानकारी गराएको छ।
यस वर्ष ७६ हजार २ सय ७५ पशुहरूलाई खोप लगाउने लक्ष्य राखिएको छ। लम्पी स्किन रोगका कारण गाईभैंसीमा उच्च ज्वरो, शरीरमा र्गिखाहरू, सुन्निने जोर्नी र खुट्टा, थुनेलो देखापर्ने र दुध उत्पादन ८० प्रतिशतसम्म घट्ने गरेको छ।
गत आर्थिक वर्षमा ४८ हजार ३ सय ६४ पशुलाई र मकवानपुरमा ३१ हजार ६ सय ६ पशुलाई खोप दिइएको थियो। यस रोगका कारण गत वर्ष ११ हजार २ सय १८ पशुको मृत्यु भएको थियो र नेपालमा कूल ७५ अर्ब ४८ करोड रुपैयाँको आर्थिक क्षति भएको अनुमान गरिएको छ।
कृषि तथा पशुपन्छी विकास मन्त्री प्रकाश श्रेष्ठले यस रोगको नियन्त्रणबाट किसानहरूको समस्या केहीहदसम्म समाधान हुने बताए। उनले भने, “बागमती प्रदेश सरकार किसानहरूको आर्थिक समृद्धिका लागि यस्ता प्रयासलाई निरन्तरता दिने प्रतिबद्ध छ।”
बागमती प्रदेशमा संविधान दिवस: विविध कार्यक्रमसहित ४ दिने उत्सव
रैथाने बाली संरक्षण र हाट बजार सञ्चालनमा प्रदेश सरकारको सहयोग: मन्त्री श्रेष्ठ
