नेसनल इन्स्योरेन्स कम्पनीको हेटौंडा शाखाले दुर्घटना बीमा बापतको दाबी रकम भुक्तानी गरेको छ।
मकवानपुर बचत तथा ऋण सहकारी संस्थाको कार्यालयमा आयोजित एक कार्यक्रममा मृतक केशव प्रसाद मुडवरीकी श्रीमती लक्ष्मी सापकोटालाई १ लाख रुपैयाँको चेक हस्तान्तरण गरिएको हो।
गत जेठ २ गते स्कूटर दुर्घटनामा मुडवरीको मृत्यु भएको थियो। हेटौंडाबाट बागमती गाउँपालिकाको झुरझुरेतर्फ जाँदै गर्दा उनको स्कूटर ट्र्याक्टरसँग ठोक्किएको थियो। गम्भीर घाइते भएका मुडवरीको उपचारका लागि हेटौंडा अस्पताल लैजाने क्रममा मृत्यु भएको थियो।
मकवानपुर बचत तथा ऋण सहकारी संस्थाले आफ्ना २,१७० जना सेयर सदस्यहरूको प्रति व्यक्ति १ लाख रुपैयाँको दुर्घटना बीमा नेसनल इन्स्योरेन्स कम्पनीमा गराएको छ। सोही अनुरूप मृतकका श्रीमतीले दाबी रकम प्राप्त गरेकी हुन्।
कम्पनीका हेटौंडा शाखा प्रमुख बिमल बास्कोटाका अनुसार बीमा कम्पनी र बचत संस्थाका पदाधिकारीहरूको उपस्थितिमा संस्थाका अध्यक्ष बिजय सागर श्रेष्ठमार्फत दाबी रकम हस्तान्तरण गरिएको हो।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
