हेटौँडा–काठमाडौं जोड्ने कान्ति लोकपथ र कुलेखानी–सिस्नेरी–फर्पिङ सडकखण्ड अवरुद्ध भएका छन्। सोमबार दिउँसोको अविरल बर्षाका कारण सडकमाथीबाट खसेको लेदोका कारण सडक अवरुद्ध भएको मकवानपुर प्रहरीले जनाएको छ।
प्रहरीका अनुसार मकवानपुर भिमफेदी गाउँपालिका वडा नम्बर ८ महादेवटारस्थित कान्तीलोकपथमा बर्षाका कारण लेदो खसी बाटो पूर्ण रुपमा अवरुद्ध भएको छ। अपरान्ह ४ बजेपछि बाटो अवरुद्ध भएको प्रहरीको हो।
बाटो अवरोध भएको खबर पाउनासाथ इलाका प्रहरी कार्यलय ठिंगनबाट खटिएको प्रहरी टोलीले सडक विभाग र फाष्ट ट्र्याकसँग समन्वय गरी पहिरो पन्छाउने काम गरिरहेको छ।
यस्तै जिल्लाको कुलेखानी–सिस्नेरी–फर्पिङ सडक खण्डअन्तर्गत इन्द्रसरोबर गाउँपालिका वडा नम्बर ३ रामचन्द्र भञ्ज्याङमा सडकमाथीबाट लेदो खस्दा बाटो पूर्णरुपमा अवरुद्ध भएको छ। उक्त स्थानमा पनि प्रहरी र सडक डिभिजनको टोलीले सडक खुलाउने कार्य गरिरहेको मकवानपुर प्रहरीले जनाएको छ।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
