सोमबार(आज) बिहान हेटौंडामा भएको सवारी दुर्घटनामा एक व्यक्तिको ज्यान गएको छ।
हेटौंडा उपमहानगरपालिका-१९, नेवारपानीमा एक गम्भीर सवारी दुर्घटना भएको थियो। नवलपरासीबाट झापा जाने क्रममा सिमेन्ट लोड लिएको बा.प्र.०३-००१ख २०८६ नम्बरको ट्रकले, हेटौंडाबाट मनहरी जाँदै गरेको बा.प्र.०२-०२२प २५०२ नम्बरको २०० सीसीको पल्सर मोटरसाइकललाई ठक्कर दिएको जिल्ला प्रहरी कार्यालयका प्रवक्ता लक्ष्मी भण्डारले जानकारी दिनुभएको हो।
दुर्घटनामा मोटरसाइकल चालक २५ वर्षीय अभिषेक सुवेदी (हेटौंडा-९) गम्भीर रूपमा घाइते भएका थिए।
दुर्घटनामा गम्भीर घाइते भएका सुवेदीको हेटौंडा अस्पतालमा उपचारका क्रममा ज्यान गएको प्रवक्ता भण्डारीले बताउनुभयो।
ट्रक चालकलाई प्रहरीले नियन्त्रणमा लिएको छ भने मोटरसाइकल र ट्रक प्रहरीको नियन्त्रणमा रहेका छन्। घटनाको थप अनुसन्धान भइरहेको प्रवक्ता भण्डारीले बताउनुभयो।
बागमती प्रदेशमा संविधान दिवस: विविध कार्यक्रमसहित ४ दिने उत्सव
रैथाने बाली संरक्षण र हाट बजार सञ्चालनमा प्रदेश सरकारको सहयोग: मन्त्री श्रेष्ठ
