हेटौंडा/ कृषि तथा पशुपंक्षी विकास मन्त्री प्रकाश श्रेष्ठले हेटौंडा उपमहानगरपालिकाको डम्पिङ साइटको अवलोकन गरेका छन्। यस अवसरमा साइटका सञ्चालक नमराज खतिवडाले मन्त्री श्रेष्ठलाई केन्द्रको कार्यप्रणाली बारे जानकारी गराए।
खतिवडाका अनुसार, हाल केन्द्रमा ६० दिनमा फोहोरबाट प्राङ्गारिक मल उत्पादन गरिन्छ। उनले यस प्रक्रियालाई आधुनिकीकरण गर्न चाहेको बताए, जसले गर्दा एक दिनमै फोहोर सङ्कलन र प्रशोधन गर्न सकिनेछ। यसका लागि उनले प्रदेश सरकारसमक्ष प्रस्ताव राखेका छन्।
मन्त्री श्रेष्ठले यस पहललाई सकारात्मक रूपमा लिएका छन् र मन्त्रालयबाट सहयोगको पहल गर्ने आश्वासन दिएका छन्।
खतिवडाले थप जानकारी दिँदै भने, “यो उद्योगले दैनिक ६० जनालाई रोजगारी दिइरहेको छ। यदि हामीले दैनिक आउने फोहोरलाई सोही दिन प्रशोधन गर्न सक्यौं भने, यसले कृषि क्षेत्रलाई फाइदा पुग्नुका साथै डम्पिङ साइटको व्यवस्थापनमा पनि सुधार आउनेछ।”
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
