कैलाश गाउँपालिकाका उपाध्यक्ष बालकुमार मल्लले बाल अधिकारबारे सचेतना र बालश्रमको नकारात्मक पक्षबारे अभिभावकलाई शिक्षा दिने कार्यक्रम सञ्चालन गर्ने जानकारी दिए।

बैठकले तीनवटै पालिकाबीच संयुक्त रूपमा बालश्रमको अनुगमन गर्ने निर्णय गरेको छ। फेला परेका बालश्रमिकको व्यवस्थापन सम्बन्धित पालिकाले गर्ने सहमति भएको छ। साथै, सडक बालबालिकामुक्त पालिका बनाउन राष्ट्रिय बाल अधिकार परिषद र बागमती प्रदेशको सामाजिक विकास मन्त्रालयसँग समन्वय गर्ने निर्णय गरिएको छ।

बाल कल्याण समाजका अध्यक्ष प्रकाश खतिवडाले यस प्रकारको समन्वय बैठकलाई सकारात्मक रूपमा लिएको बताए। उनले राज्य र नागरिक समाजबीच समाजमा रहेका विकृतिहरू हटाउन गरिएको यो प्रयास अनुकरणीय भएको उल्लेख गरे।

बैठकमा विद्यालय बाहिर रहेका बालबालिकालाई विद्यालयमा ल्याउन छात्रवृत्तिको संख्या बढाउने, बाल क्लब परिचालन र क्षमता विकास गर्ने, तथा लागूपदार्थ दुर्व्यसनविरुद्ध सचेतना कार्यक्रम सञ्चालन गर्ने विषयमा समेत छलफल भएको थियो।

बैठकमा कुल १६ जनाको सहभागिता रहेको थियो, जसमा तीनवटै गाउँपालिकाका उपाध्यक्षहरू, शिक्षा अधिकृतहरू, रोजगार संयोजकहरू र अन्य सम्बन्धित अधिकारीहरू सामेल थिए।