कार्यालयले सुपारिटार व्यारेकमा पुगेर नेपाली सेनाका जवानहरूलाई पनि रेबिजको बारेमा जानकारी दिएको जनाइएको छ।

बुधबारदेखि नै विभिन्न सचेतनामूलक कार्यक्रमहरू सुरु गरिएको छ। बुधबार हेटौंडा-१ लालझाडीको श्री बाराही आधारभूत विद्यालयमा र बिहीबार हेटौंडा-१४ नयाँबस्तीको दिव्यज्योति निम्न माध्यमिक विद्यालयमा रेबिज सम्बन्धी जानकारी दिइएको थियो।

डा. ठाकुरले भने, “प्रायः बालबालिकाहरू रेबिजको जोखिममा रहने भएकाले विद्यालयस्तरमा यस्ता कार्यक्रमहरू आयोजना गरिएको हो।”

विश्व रेबिज दिवसको अवसरमा शनिबार हेटौंडा-१० बसपार्कमा सामुदायिक तथा घरपालुवा कुकुरहरूलाई रेबिज विरुद्धको खोप लगाउने कार्यक्रम रहेको छ। कार्यालयले मकवानपुरका १० वटा स्थानीय तहलाई १२०० डोज रेबिजको खोप वितरण गरेको छ। साथै, पशु सेवा कार्यालयमा निःशुल्क खोप उपलब्ध रहेको जानकारी दिइएको छ।

प्रत्येक वर्षको सेप्टेम्बर २८ तारिखमा विश्व रेबिज दिवस मनाइन्छ।