हेटौंडा – बागमती प्रदेशका कृषि तथा पशुपन्छी विकास मन्त्री प्रकाश श्रेष्ठले प्रदेशका सबै स्थानीय तहहरूलाई हालैको अविरल वर्षाबाट भएको कृषि तथा पशुपन्छी क्षेत्रको क्षतिको विवरण उपलब्ध गराउन निर्देशन दिएका छन्।
मन्त्रालयले जारी गरेको एक पत्रमा प्रदेशका १३ वटै जिल्लाका स्थानीय तहहरूलाई कृषि तथा पशुपन्छी सम्बन्धी दुर्घटना र क्षतिको विस्तृत विवरण सम्बन्धित जिल्लाका कृषि विकास कार्यालय र पशु सेवा कार्यालयमा यथाशीघ्र पठाउन भनिएको छ।
यो कदम मन्त्री श्रेष्ठको अध्यक्षतामा असोज १३ गते बसेको बैठकको निर्णय अनुसार चालिएको हो। प्राप्त विवरणका आधारमा राहत तथा क्षतिपूर्ति कार्यक्रम तयार गरिने मन्त्रालयले जनाएको छ।
साथै, कृषि विकास निर्देशनालय र पशुपन्छी तथा मत्स्य विकास निर्देशनालयलाई स्थानीय तहहरूसँग समन्वय गरी क्षति विवरण संकलनमा सहजीकरण गर्न निर्देशन दिइएको छ।
यो पहलले वर्षाका कारण कृषि क्षेत्रमा भएको क्षतिको वास्तविक तस्वीर बुझ्न र प्रभावित किसानहरूलाई उचित सहायता प्रदान गर्न मद्दत पुग्ने मन्त्री श्रेष्ठको भनाइ छ।
मदन भण्डारी स्वास्थ्य विज्ञान प्रतिष्ठानमा नयाँ नियुक्तिहरू
महान् पर्व बडादसैँ सुरु, आज घटस्थापना
मकवानपुर इन्द्रसरोवरबाट दुई गर्भवती महिलाको हवाई उद्धार
बालजागृतिका विद्यार्थीहरुद्वारा बृद्धाश्रममा सहयोग
राष्ट्रिय युवा संघ मकवानपुरद्वारा सिस्नेरी पहिरो पीडितको सम्झनामा दीप प्रज्वलन
