हेटौंडा – शनिबार पहिरोमा परेर ज्यान गुमाएका अखिल नेपाल फुटबल संघ (एन्फा) एकेडेमीका तीन विद्यार्थीको शव सोमबार हेटौंडा ल्याइएको छ। मकवानपुरका साइमन योन्जन र अनुप घलान तथा बाराका विकल रेग्मीको शव हेलिकोप्टरमार्फत हेटौंडा ल्याइएको हो।
जिल्ला खेलकुद समितिले शवलाई नगर परिक्रमा गराई हेटौंडा उपमहानगरपालिका-४ स्थित हुप्रा चौरमा श्रद्धाञ्जलीसभा आयोजना गरेको थियो। सभामा प्रदेश मन्त्री, खेलाडी, राजनीतिक नेता र आम नागरिकको उपस्थिति रहेको थियो।
गत बिहीबारदेखिको अविरल वर्षाका कारण सिस्नेरी खोलामा आएको बाढीबाट बच्न सुरक्षित स्थानतर्फ जाँदै गर्दा माथिबाट आएको पहिरोले पुरिएर एन्फा एकेडेमीका ६ विद्यार्थीको मृत्यु भएको थियो। मृत्यु हुनेमा मकवानपुरका तीन र काठमाडौं, मकवानपुर र सर्लाहीका एक-एक जना विद्यार्थी छन्।
एन्फाले मकवानपुरको इन्द्रसरोवर गाउँपालिका-३ मा स्थापना गरेको युथ-१४ क्याम्पमा ४० विद्यार्थी अध्ययनरत थिए। गत वर्षदेखि एन्फाले श्री बत्सलादेवी हाई सेकेन्डरी इन्जिनियरिङ स्कुलसँग सहकार्य गरी विद्यार्थीहरूलाई नियमित शिक्षाका साथै फुटबल प्रशिक्षण दिँदै आएको थियो।
मदन भण्डारी स्वास्थ्य विज्ञान प्रतिष्ठानमा नयाँ नियुक्तिहरू
महान् पर्व बडादसैँ सुरु, आज घटस्थापना
मकवानपुर इन्द्रसरोवरबाट दुई गर्भवती महिलाको हवाई उद्धार
बालजागृतिका विद्यार्थीहरुद्वारा बृद्धाश्रममा सहयोग
राष्ट्रिय युवा संघ मकवानपुरद्वारा सिस्नेरी पहिरो पीडितको सम्झनामा दीप प्रज्वलन
