नेपालको प्रमुख चाड तिहार नजिकिँदै गर्दा नेपाली किसानद्वारा उत्पादित सयपत्री फूल र मालाको उपयोग र बजारीकरणमा गम्भीर चुनौती देखा परेको छ। नेपाल फ्लोरीकल्चर एसोसिएसनका अनुसार यस वर्ष स्थानीय उत्पादनले बजारको माग धान्न नसक्ने भन्दै भारतबाट फूल आयात गर्नुपर्ने अवस्था रहेको जनाएको छ।
तर यो कुरा विडम्बनापूर्ण छ किनभने देशका विभिन्न भागमा नेपाली किसानले उत्पादन गरेका सयपत्री फूलहरू बजारको पर्खाइमा छन्। फ्लोरीकल्चर एसोसिएसनका अध्यक्ष बालकृष्ण चौलागाईंका अनुसार केही क्षेत्र बाहेक अधिकांश स्थानमा स्थानीय उत्पादन बिक्री हुन नसकेको अवस्था छ।
विगत वर्षहरूमा पनि चाडपर्वको समयमा नेपाली किसानहरूलाई बेवास्ता गरी भारतीय फूल र माला आयात गर्ने प्रवृत्ति बढ्दो छ। यसले स्थानीय किसानको मेहनत र लगानी खेर जाने मात्र होइन, कृषि क्षेत्रमा निराशा पनि बढाउँदै लगेको छ।
नेपाल सयपत्री फूल/माला उत्पादक केन्द्रीय संघले सरकारसँग विभिन्न नाकाबाट हुने भारतीय फूल र मालाको आयात रोक्न माग गरेको छ। साथै उपभोक्तालाई स्वदेशी उत्पादन प्रयोग गर्न आग्रह गरेको छ।
श्रमिक अधिकारको संरक्षण र रोजगारी विस्तारमा जोड: मुख्यमन्त्री बानियाँ
चितवनमा दोस्रो संस्करणको ‘चितवन अटो शो २०२६’ सुरु, ५० करोड कारोबार लक्ष्य
