मकवानपुर जिल्लाको मनहरी गाउँपालिकामा स्थित चैनपुर जेसीज मनहरीले आफ्नो वार्षिक जेसीज सप्ताह कार्यक्रम सुरु गरेको छ।
सोमबार मनहरी वडा नम्बर ७ को मनहरी बजारमा रक्तदान कार्यक्रमबाट जेसीज सप्ताह सुरु गरेको हो। इन्चार्ज अभिनास मल्लको संयोजकत्वमा भएको यस कार्यक्रममा २५ जनाले रक्तदान गरेका छन्। मनहरी गाउँपालिका वडा नम्बर ७ का अध्यक्ष ठाकुरराम तितुङले कार्यक्रमको उद्घाटन गरेका थिए।
यसैगरी, मङ्गलबार स्टेशनरी सामग्री वितरण, बुधबार स्लो मोटरसाइकल प्रतियोगिता, बिहीबार लागूपदार्थ दुर्व्यसन सम्बन्धी सचेतना कार्यक्रम, शुक्रबार ‘समाजका लागि युवा’ विषयमा वक्तृत्वकला प्रतियोगिता र शनिबार जेसीज दौड प्रतियोगिता हुनेछन्।
कार्यक्रममा चैनपुर जेसीज मनहरीका संस्थापक अध्यक्ष गणेशदर्पण अधिकारी, सल्लाहकारद्वय ज्योतिराज लुइँटेल र बिदुर थापा, रेडक्रस सोसाइटी मनहरी उपशाखा कोषाध्यक्ष शिवकुमार काशी, उद्योग वाणिज्य संघ मनहरीका निवर्तमान अध्यक्ष नारायण सुवेदी, कुखुरा व्यवसायी संघ मकवानपुर उपाध्यक्ष गोविन्द सापकोटा सहभागी भएका थिए।
वि. सं.२०८३ सालका शुभ मुहूर्तहरु
आजको पञ्चाङ्ग र राशिफल (वि. सं २०८३ जेठ ६ गते बुधबार, अधिक ज्येष्ठ शुक्लपक्ष चतुर्थी)
