यसैगरी बैंक तथा वित्तीय संस्थातर्फ पालुङ बहुद्देश्यीय सहकारी संस्था लिमिटेड, अन्तःशुल्कतर्फ गोरखा लाहारी प्रालिका संचालक/प्रतिनिधिलाई सम्मान गरिएको थियो । उक्त अवसरमा मकवानपुर उद्योग वाणिज्य संघ, उद्योग संघ मकवानपुर र चेम्बर अफ कमर्श मकवानपुरलाई कर सहभागितामा पुर्‍याएको योगदानका लागि सम्मान गरिएको थियो ।

उक्त कार्यक्रममा नेपाल रेडक्रस सोसाइटी मकवानपुरलाई समेत सम्मान गरिएको थियो । यस्तै कर सप्ताहको तेस्रो दिन आयोजना गरिएको खुला निबन्ध प्रतियोगिताका विजेता हेटौंडा स्कुल अफ म्यानेजमेन्टकी छात्रा प्रतिभा भट्टराई (प्रथम), सलिना धिताल (द्वितीय) र स्नेहा उप्रेती (तृतीय) लाई नगदसहित पुरस्कृत गरिएको हो । कार्यक्रमका प्रमुख अतिथि एवं प्रमुख जिल्ला अधिकारी तीर्थराज चिलुवाल र कर कार्यालयका प्रमुख युक्त सुवेदीले सम्मानपत्र प्रदान गरेका थिए ।