बागमती प्रदेशका आन्तरिक मामिला तथा कानुन मन्त्री सुरजचन्द्र लामिछानेले भाषा र संस्कृतिलाई नेपाली पहिचानको महत्वपूर्ण स्तम्भ बताएका छन्। हेटौंडामा रेडियो नेपालको आयोजनामा आइतबार सम्पन्न अन्तरक्रिया कार्यक्रममा उनले नेपाली पहिचानलाई जीवन्त बनाउन भाषा र संस्कृतिको महत्व रहेको स्पष्ट पार्नुभएको छ ।
मन्त्री लामिछानेले प्रदेश सरकारले प्रदेशभित्रका बहुसंख्यक भाषालाई सरकारी कामकाजको भाषा बनाउन सक्ने व्यवस्था गरेको र नेपाली तथा तामाङ भाषाको कार्यान्वयनका लागि नियमावली निर्माणको क्रममा रहेको जानकारी दिए। उनले मातृभाषामा निर्मित चलचित्रलाई विशेष प्राथमिकता दिने र आगामी हिउँदे अधिवेशनमा चलचित्र सम्बन्धी विधेयक प्रस्तुत गर्ने बताए।
कार्यक्रममा रेडियो नेपालका कार्यकारी निर्देशक अमरध्वज लामाले डिजिटल प्लेटफर्महरू मार्फत देशभित्र र बाहिरका श्रोताहरूलाई समेट्ने प्रयास भइरहेको र हेटौंडामा रेडियोको प्रादेशिक कार्यालय स्थापनाको चरणमा रहेको बताउनुभयो।
विभिन्न मन्त्रालयका सचिवहरू, सञ्चारकर्मी र सरोकारवाला निकायका प्रतिनिधिहरू सहभागी रहेको यस कार्यक्रमले भाषा र संस्कृतिको संरक्षण र प्रवद्र्धनमा महत्वपूर्ण भूमिका खेलेको छ।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
