हेटौंडा उपमहानगरपालिका वडा नं. १० ले आगामी माघ ११ र १२ गते घरेलु उत्पादन प्रदर्शनी तथा साँस्कृतिक कार्यक्रम आयोजना गर्ने भएको छ। बुधबार पत्रकार सम्मेलनमार्फत कार्यक्रमको विस्तृत जानकारी दिइएको हो।
वडाध्यक्ष फूर्वा दोर्जे तामाङका अनुसार स्थानीय उत्पादनको प्रवर्द्धन, बजारीकरण र स्वरोजगार सिर्जनाको लक्ष्यसहित यो कार्यक्रम आयोजना गरिएको हो। प्रदर्शनीमा नगरका सबै १९ वडाबाट घरेलु तथा हस्तकला, कृषि र ढाका कपडाका सामानहरूको प्रदर्शनी र बिक्री गरिने छ।
कार्यक्रममा १०० वटा निःशुल्क स्टलहरू व्यवसायीहरूलाई उपलब्ध गराइने छ। साथै, स्थानीय संस्कृति र परम्पराको संरक्षणका लागि सांस्कृतिक नृत्य प्रतियोगिता पनि आयोजना गरिने छ। प्रतियोगितामा सबै वडाका इच्छुक कलाकारहरूले भाग लिन सक्नेछन्।
विजेताहरूलाई प्रथम स्थान रु. ५० हजार, द्वितीय स्थान रु. ३५ हजार र तृतीय स्थान रु. २० हजारको पुरस्कार दिइने छ। साथै चार वटा सान्त्वना पुरस्कार प्रति समूह रु. ५ हजारको दिइने छ।
कार्यक्रमको सफल आयोजनाका लागि ५७ सदस्यीय मूल समिति र ६ वटा उपसमितिहरू गठन गरिएको छ। टोल विकास संस्था, नगर समन्वय समिति, उद्योग वाणिज्य संघ, विद्यालय, जाल्पादेवी उद्यमी महिला केन्द्र, स्थानीय क्लब र राजनीतिक दलहरूको सहकार्यमा कार्यक्रम सञ्चालन हुने वडाध्यक्ष तामाङले जानकारी दिए।
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
