मकवानपुरको हेटौंडामा भएको सवारी दुर्घटनामा गम्भीर घाइते एक पैदलयात्रीको उपचारका क्रममा मृत्यु भएको छ।
हिजो(बुधबार)१४ गते साँझ ६:३० बजे हेटौंडा उपमहानगरपालिका-६, सल्लाघारीस्थित बिजय पथमा रामनगरतर्फ हिँडिरहेका ६१ वर्षीय कमल बहादुर बोहोरालाई हात्तिलेटतर्फ गइरहेको ना ५४ प १८७६ नम्बरको मोटरसाइकलले ठक्कर दिएको जिल्ला प्रहरी कार्यालय मकवानपुरले जानकारी दिएको छ।
प्रहरीका अनुसार दुर्घटनामा टाउकोमा गम्भीर चोट लागेका बोहोरालाई हेटौंडा अस्पतालमा प्रारम्भिक उपचारपछि थप उपचारका लागि चितवन रेफर गरिएको थियो। भरतपुरस्थित नयाँ मेडिकल कलेजमा उपचाररत रहेका उनलाई आज (बिहीबार) बिहान २:२७ बजे चिकित्सकले मृत घोषणा गरेका छन्।
ठक्कर दिने मोटरसाइकल चालक, ४२ वर्षीय बिदुर सापकोटा, दुर्घटनापछि फरार रहेका छन्। घटनापछि इलाका प्रहरी चौकी चौघडाबाट प्रहरी नायब निरीक्षक धुर्ब बहादुर श्रेष्ठको कमाण्डमा टोली परिचालन गरिएको छ। प्रहरीले फरार चालकको खोजी कार्य जारी राखेको जनाएको छ।
विपत्तिमा राजनीति होइन, राष्ट्रिय एकता आवश्यक:जमकट्टेल
गोर्खा लाहारीद्वारा प्रधानमन्त्री दैवी प्रकोप कोषमा ६३ लाख ६५ हजार सहयोग
बागमतीमा सर्वदलीय बैठक, राहत–उद्धार जारी राख्ने निर्णय
भोटेकोशी बाढी प्रभावित क्षेत्रमा वैकल्पिक विद्युत् पहुँच विस्तार
मुख्यमन्त्री थापामगरको विश्वासको मतमा राप्रपाभित्र दुई धार
