मकवानपुर – मकवानपुर जिल्लाको मनहरी गाउँपालिका–६ खयरघारी मरुङगे तालस्थित ब्रम्हदेबी लामिदमार मध्यवर्ती सामुदायिक वन (खण्ड ग) मा गैडाको आक्रमणबाट एक व्यक्ति घाइते भएका छन्।
आज (शनिबार) दिउँसो करिब १२:४० बजेको समयमा बस्ने अन्दाजी ३५ वर्षीय राम दिनेश कुशवार घास काट्न जाने क्रममा गैडाको आक्रमणमा परेर घाइते भएका हुन्।
घटनाको जानकारी पाएलगत्तै प्रहरी चौकी सुनाचुरी मकवानपुरबाट प्रहरी निरीक्षक शिवजी दासको कमाण्डमा प्रहरी टोली खटिएको थियो। घाइते कुशवारलाई थप उपचारका लागि भरतपुर, चितवनस्थित सरकारी अस्पतालमा पठाइएको छ।
उनको दाहिने खुट्टामा चोट लागेको र अवस्था मध्यम रहेको जनाइएको छ। आक्रमणपछि गैडा वनतर्फ फर्किएको छ। घटनास्थल प्रहरी चौकी सुनाचुरी मकवानपुरबाट करिब २ किलोमिटर दक्षिणतर्फ पर्छ।
प्रहरीले गैडाको गतिविधिमा निगरानी राखेको र घटनाबारे थप अनुसन्धान भइरहेको जानकारी दिएको छ।
मनहरी खोलामा ९२ हजार माछाका भुरा छोडियो
गौरीटारलाई अन्तर्राष्ट्रिय स्पोर्ट्स एकेडेमी बनाइने, तेस्रो बागमती प्रदेश खेलकुद प्रतियोगिता सुरु
सामाजिक सुरक्षा कोषमा श्रमिक जोड्ने पहिलो उपमहानगर हेटौंडा
बागमती प्रदेशको ६७ अर्ब बजेटमा हेटौडालाई प्राथमिकता, प्रशासनिक भवनदेखि ‘ग्रेटर हेटौंडा’ अवधारणासम्मका योजना
बागमती प्रदेशले ल्यायो करिब ६७ अर्ब रुपैयाँको बजेट
