धादिङसँग सिमाना जोडिएकाले जीपलाइन स्थल पुग्न बेनीघाट, थाहानगर, र मनहरी बजारबाट करिब ३३ किलोमिटर सडक सञ्जाल रहेको छ।

फोरजी कम्पनीले २०७९/८० मा गरेको सर्वेक्षण अनुसार जीपलाइन निर्माणमा करिब एक करोड ९० लाख ९७ हजार रुपैयाँ खर्च लाग्ने अनुमान गरिएको थियो। बहुवर्षीय योजनाअन्तर्गत दुई स्थानमा स्टेशन, ब्रेकिङ सिस्टम (हारनेस) र तार निर्माण गरिएको योजना शाखा प्रमुख नरेन्द्र दत्त भट्टले बताए।

२०७९ माघमा ठेक्का प्रकाशित भई सन्ध्या निर्माण सेवासँग ८८ लाख ५६ हजार ७६१ रुपैयाँमा सम्झौता भई २०८१ फागुन मसान्तसम्म निर्माण सम्पन्न गर्ने लक्ष्य राखिएको थियो।

हालसम्म जीपलाइनको ४८ प्रतिशत काम सम्पन्न भइसकेको थियो भने दोस्रो चरणको परीक्षणपछि जीपलाइन सञ्चालनमा ल्याइने प्रमुख भट्टले जानकारी दिए।

पहिलो चरणमा ब्रेकिङ सिस्टम (सोलोप) को परीक्षण सम्पन्न भएको छ भने दोस्रो चरणको परीक्षण पछि जीपलाइन पूर्ण रूपमा सञ्चालनमा आउनेछ। परीक्षण कार्य जीपलाइन प्राविधिक एवं प्रशिक्षक बद्री घिमिरेले गरेका थिए।