त्यस्तै, बकैया गाउँपालिकाकी गोमा राई, लक्ष्मी घिमिरे, भीमफेदी गाउँपालिकाकी केशरी तुलाधार, थाहा नगरपालिकाकी रामपियारी नापिन, गौरी प्रधान, हेटौंडा–१८ की सत्यदेवी सुर्खेती, हेटौंडा–५ की अनुराधा विष्ट र हेटौंडा–१७ की मीना रुपाखेतीलाई पनि संघले सम्मान गरेको छ।

कार्यक्रममा प्रमुख अतिथि तथा अनेमसंघकी केन्द्रीय सदस्य पद्मा पौडेलले महिलालाई पुरुष समान हक अधिकार प्राप्त हुनुपर्नेमा जोड दिइन्। उनले अझै पनि कामको समान बाँडफाँड, सहभागिता र पारिश्रमिक जस्ता पक्षमा न्यायोचित व्यवहार नदेखिएको बताइन्।

संघकी अध्यक्ष सुमित्रा काफ्लेले महिला सशक्तिकरण, लैङ्गिक असमानता र हिंसाजन्य क्रियाकलापको अन्त्यका लागि अनेमसंघ सदैव अग्रसर रहने बताइन्।

नेकपा एमाले मकवानपुर इन्चार्ज रामेश्वर रानाले महिला आन्दोलनले पाउनुपर्ने न्याय अझै नपाएको उल्लेख गर्दै समाजमा महिलाको सहभागिता बढेपनि अपेक्षित सामाजिक तथा आर्थिक परिवर्तन नदेखिएको धारणा राखे।

बागमती प्रदेश कमिटि सदस्य एकालाल श्रेष्ठले भूमिगत अवस्थामा अनेमसंघ मकवानपुरले संगठन विस्तारमा खेलेको भूमिका अतुलनीय रहेको बताए। उनले तत्कालीन समयमा महिलाहरूले आफना हकहितको लागि आवाज उठाउँदा पञ्चायती शासनद्वारा विरोध गरिएको स्मरण गर्दै हाल उनीहरू सम्मानित हुनु महिला आन्दोलनको उपलब्धि भएको बताए।