चालु आर्थिक वर्षको साउनदेखि चैत मसान्तसम्म तीनजना चट्याङले घाइते भएका छन् भने १० वटा चौपायाको मृत्यु भएको छ। चट्याङका कारण विभिन्न विद्युतीय उपकरणहरूमा समेत ठूलो क्षति पुगेको प्रहरीले जनाएको छ।

गत आर्थिक वर्ष २०८०/८१ मा मात्र ६ स्थानमा चट्याङ पर्दा दुईजनाको मृत्यु र सातजना घाइते भएका थिए। सो अवधिमा तीनवटा घर प्रभावित भएका थिए भने पाँचवटा चौपायाको मृत्यु भएको तथ्याङ्क छ।

तर, जिल्लामा चट्याङबाट हुने क्षति न्यूनीकरणमा अपेक्षित ध्यान नदिइएको पाइएको छ। चट्याङबाट बच्न आवश्यक चेतना अभाव हुनुका साथै रोकथामका लागि ‘अर्थिङ’ जस्ता प्रविधिको प्रयोग प्रभावकारी रूपमा नभएको विज्ञहरूले बताएका छन्।

जिल्लाका एफएम रेडियो स्टेशन तथा अन्य विद्युतीय उपकरण सञ्चालन गर्ने संस्थाहरूले बर्सेनि चट्याङबाट लाखौँको क्षति व्यहोर्नु परेको जनाइएको छ।