त्यसैगरी, सामाजिक विकास मन्त्रालयबाट प्रस्तावित ‘बागमती प्रदेश स्तरीय लैङ्गिक समानता तथा सामाजिक समावेशीकरण नीति, २०८२’ पनि बैठकले स्वीकृत गरेको छ।

सहकारी तथा गरिबी निवारण मन्त्रालयबाट पेस भएको प्रस्तावअनुसार समस्याग्रस्त सहकारी संस्थाको व्यवस्थापन समितिमा थप दुई सदस्य नियुक्त गर्ने निर्णय गरिएको छ। पाँच सदस्यीय समितिमा बाँकी रहेका दुई पदमा नियुक्तिका लागि निर्णय गरिएको हो।

यस्तै, बैठकले धादिङको थाक्रे गाउँपालिका–११ का नेत्रराज पौडेल र रामेछापको मन्थली नगरपालिका–१ की निशा न्यौपानेलाई राजनीतिक सहमतिका आधारमा समितिमा नियुक्त गर्ने निर्णय पनि गरेको छ।