त्यसपछि उक्त बसले अगाडि रहेको ना ८ ख ४४० नम्बरको ट्याङ्करलाई समेत पछाडिबाट ठक्कर दिएको जिल्ला प्रहरी कार्यालय मकवानपुरले जनाएको छ।

दुर्घटनापछि बसमा सवार ४ र कारमा सवार ६ जना गरी कुल १० जनालाई उद्धार गरी उपचारका लागि हेटौंडा अस्पताल पठाइएको छ। तीमध्ये ६ जनाको अवस्था मध्यम र ४ जनाको अवस्था सामान्य रहेको जनाइएको छ।

दुर्घटना स्थलभन्दा करिब १०० मिटरअघि बस एउटा रुखमा ठोक्किएर मात्र रोकिन सकेको थियो। ट्याङ्करको पछाडिको भागमा मात्र सामान्य क्षति पुगेको छ।

घटनास्थल हेटौंडा रातोमाटे प्रहरी चौकीबाट करिब १ किलोमिटर दक्षिणमा पर्छ। दुर्घटनाबारे थप अनुसन्धान भइरहेको प्रहरीले जनाएको छ।