“नागरिकको आयुर्वेदिक उपचारप्रति विश्वास बढ्दो छ,” मन्त्री थापाले भन्नुभयो, “तर, भौतिक संरचना मात्र हैन, सेवा पनि गुणस्तरीय हुनुपर्छ।”

मन्त्री थापाका अनुसार हाल १० प्रकारका आयुर्वेदिक औषधिहरू उत्पादन हुँदै आएकोमा अब थप ११ प्रकारका औषधि यहीँबाट उत्पादन गरिनेछ। उहाँले हेटौंडा अस्पतालको नयाँ भवन निर्माण भइसकेपछि अस्पताललाई ५०० शय्यामा स्तरोन्नति गरिने जानकारी समेत दिनुभयो।

कार्यक्रममा बागमती प्रदेशसभा सदस्यहरु एका लाल श्रेष्ठ, प्रेम बहादुर पुलामी, मकवानपुरका प्रमुख जिल्ला अधिकारी स्कीम श्रेष्ठ लगायतले मन्तव्य व्यक्त गरेका थिए।