कार्यक्रमअन्तर्गत हेटौंडा स्कुल अफ म्यानेजमेन्टले समग्र नेतृत्व लिनेछ भने नवोदय शिशु सदनले ल्याब स्कुलको भूमिका निर्वाह गर्नेछ। नवोदय इनोभेसन सेन्टरले निर्देशनात्मक कार्यक्रमहरू सञ्चालन गर्नेछ।

कक्षा ११ र १२ को तहमा सञ्चालन गरिने यस कार्यक्रमलाई भविष्यमा स्नातक तहसम्म विस्तार गर्ने योजना रहेको छ। गणित, अंग्रेजी र नेपाली विषय समेटिने चार घण्टे दैनिक कक्षामा विद्यार्थीले दुई विषय अध्ययन गर्नेछन्।

प्रत्येक शुक्रबार पुस्तक परिचर्चा, शिक्षक संवाद जस्ता कार्यक्रमहरू सञ्चालन गरिने र यसले विद्यार्थीको भाषा क्षमता, आलोचनात्मक सोच र शिक्षणमा रुचि अभिवृद्धि गर्ने विश्वास लिइएको छ। साथै, प्रत्येक हप्ताको दुई दिन विद्यार्थीलाई दुई समूहमा विभाजन गरी आधारभूत शिक्षण सीप र विषयवस्तु प्रदान गरिनेछ।

विशेषज्ञ शिक्षकमार्फत निर्देशनात्मक कक्षा, मासिक रु १,००० प्रोत्साहन खर्चको व्यवस्था र अध्यापनपछि रोजगारी सुनिश्चितता म्यानेजमेन्टको दावी रहेको छ।