पर्यटन पूर्वाधार विस्तारका क्रममा यसै वर्ष ६ हजार मिटर उचाइका विभिन्न हिमशिखरहरूको पहिचान र नयाँ आरोहण मार्ग अन्वेषण भइरहेको छ। यसले नयाँ गन्तव्य खोज्ने पर्यटकलाई आकर्षित गर्ने विश्वास लिइएको छ। यस्तै, सिन्धुपाल्चोकको बलेफीमा एशियामै पहिलो पटक “¥याफ्टिङ स्कुल” स्थापनाका लागि पूर्वाधार निर्माण भइरहेको सचिव सुवेदीले बताए। मन्त्रालयले यसलाई नेपाललाई साहसिक जलक्रीडाको केन्द्रका रूपमा परिचित गराउने अवसरका रूपमा लिएको छ।

उनका अनुसार, नेपालको पर्यटन क्षेत्रमा निजी क्षेत्रको ठूलो योगदान रहेको छ। त्यसैले प्रदेश सरकारले निजी क्षेत्रसँग सहकार्य र साझेदारीलाई प्राथमिकतामा राख्दै अघि बढ्ने योजनामा छ।

यो घोषणाले पर्यटन व्यवसायी र लगानीकर्तामा नयाँ उत्साह जगाएको छ। भौतिक पूर्वाधार निर्माणदेखि साहसिक पर्यटन प्रवद्र्धनसम्मका योजनाले बागमती प्रदेशलाई राष्ट्रिय मात्र नभई अन्तर्राष्ट्रिय स्तरमै आकर्षक गन्तव्यका रूपमा स्थापित गर्ने अपेक्षा गरिएको छ।