यसैबीच प्रदेश प्रमुख कार्यालयका कानुन अधिकृत तथा प्रवक्ता मनोजकुमार गुप्ताले आन्दोलनकारीहरूले करिब १२ करोड २९ लाख लागतमा बनेको नवनिर्मित भवन समेत जलाएर नष्ट पारेको जानकारी दिए । गत साउन २७ गते मात्र औपचारिक रुपमा उद्घाटन गरिएको भवनमा जम्मा चारवटा बैठक मात्र बसेको अवस्थामा पूर्णरूपमा क्षति पुगेको उनले बताए ।

झन्डै साढे चार वर्ष लगाएर बनेको उक्त भवनसहित पुरानो भवन पनि जलाइएपछि करिब ३० करोड बराबरको क्षति पुगेको प्रदेश सभा सचिवालयले जनाएको छ । हाल तत्काल प्रदेश सभाको बैठक सञ्चालन गर्ने अवस्था नरहेको प्रवक्ता गुप्ताले बताए।