बागमती प्रदेश सरकारका माननीय मुख्यमन्त्री इन्द्रबहादुर बानियाँको अध्यक्षतामा बुधबार साँझ मुख्यमन्त्री तथा मन्त्रिपरिषद्को कार्यालयमा विभागीय मन्त्री र सचिवहरूको संयुक्त बैठक सम्पन्न भएको छ।
बैठकमा मुख्यमन्त्री बानियाँले प्रदेश सरकारको अस्तित्व र जिम्मेवारीलाई व्यवहारमै देखाउने समय आएको उल्लेख गर्दै “टुक्रे योजनाहरू नगरी बहुवर्षीय, उत्पादन र आयआर्जनसँग जोडिएका योजनालाई प्राथमिकता दिनुपर्छ” भन्नेमा जोड दिनुभयो। उहाँले प्रदेश र स्थानीय सरकार दुवै जनताबाट निर्वाचित सरकार भएको स्मरण गराउँदै विकास, सेवा प्रवाह र परिणाममुखी काममार्फत जनतामा प्रदेशको प्रभावशाली उपस्थिति देखाउन सबैलाई आह्वान गर्नुभयो।
मुख्यमन्त्री बानियाँले हाल देश संघीय निर्वाचनतर्फ अघि बढिरहेको सन्दर्भमा प्रदेश सरकार कुनै अन्योलमा नरहेको स्पष्ट पार्दै “निर्णय र कार्यान्वयनलाई निरन्तरता दिनुपर्छ, सुविधा लिनेमा प्रतिस्पर्धा नगरी जनताका सेवामा समर्पित हुनुपर्छ” भन्ने संदेश दिनुभयो। उहाँले प्रदेश सरकारका निर्णय र कामहरूको पर्याप्त प्रचार–प्रसार हुन नसकेको उल्लेख गर्दै अब उपलब्धि जनतामाझ पुर्याउने अवसर आएको पनि बताउनुभयो।
बैठकमा विभागीय मन्त्रीज्यू र सचिवहरूले आफ्ना मन्त्रालय तथा मातहतका कार्यालयहरूमा हालैको जेनजी प्रदर्शन र मागका क्रममा भएको क्षतिको विवरण प्रस्तुत गरे। साथै, सो क्रममा मृत्युवरण गर्नुभएकाप्रति भावपूर्ण श्रद्धाञ्जलि अर्पण गर्दै शोकसन्तप्त परिवारप्रति समवेदना प्रकट गरिएको थियो। घाइतेहरूको शीघ्र स्वास्थ्यलाभको शुभकामना समेत व्यक्त गर्नुभएको थियो।
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
बागमतीमा किरण थापाको नेतृत्वमा सरकार गठनको दाबी, शपथ भोलि ४ बजेपछि
जुरिखेतमा ‘स्कारपियो’ दुर्घटनामा छ जना घाइते
एमाले बागमतीले बोलायो संसदीय दलको बैठक
