पालिकागत विवरण अनुसार:

राक्सिराङ गाउँपालिका: १९२ वटा खोपको लक्ष्य शतप्रतिशत पूरा।

मकवानपुरगढी गाउँपालिका: ९९ प्रतिशत प्रगति।

हेटौँडा उपमहानगरपालिका: ९७ प्रतिशत प्रगति।

बागमती र मनहरी गाउँपालिका: ९५ प्रतिशत प्रगति।

थाहा नगरपालिका: ९३ प्रतिशत प्रगति।

बकैया: ९१%, इन्द्रसरोवर: ८९%, भीमफेदी: ८६% र कैलाश गाउँपालिका: ८२ प्रतिशत प्रगति।

सरुवा रोग तथा किटजन्य रोगको अवस्था

राष्ट्रिय क्षयरोग कार्यक्रम अन्तर्गत १३ हजार ७ सय ४६ जनाको स्लाइड जाँच गर्दा २ सय ८७ जनामा सङ्क्रमण पुष्टि भएको छ। त्यस्तै, एड्स तथा यौनरोग नियन्त्रण तर्फ गत आर्थिक वर्ष २०८१/०८२ मा ९ हजार ५ सय ५९ जनाको परीक्षण गर्दा ४० जनामा पोजेटिभ भेटिएको थियो।

अन्य रोगहरूको अवस्था:

डेङ्गु: १८७ जना बिरामी

स्क्रब टाइफस: ४६ जना बिरामी

औलो: गत वर्ष ३ जनामा देखिएकोमा यस वर्ष २ जनामा पोजेटिभ

सामाजिक स्वास्थ्य र सुरक्षाको चुनौती

प्रस्तुत तथ्याङ्कले जिल्लामा आत्महत्या र सडक दुर्घटनाको स्थिति चिन्ताजनक देखाएको छ। चालु आर्थिक वर्षमा ३७ वटा सडक दुर्घटनामा परी १२ जनाले ज्यान गुमाएका छन्। यस्तै, आत्महत्या गर्नेको सङ्ख्या ७९ पुगेको छ, जसमा ३१ महिला र ४८ पुरुष रहेका छन्।

भीमफेदी गाउँपालिकामा गरिएको लागूऔषध सचेतना तथा परीक्षणका क्रममा ११४ जनाको जाँच गर्दा १२ जनामा लागूऔषध सेवनको पुष्टि भएको कार्यालयले जनाएको छ।

विद्यालय नर्स कार्यक्रम

बागमती प्रदेश सरकारको ‘एक विद्यालय एक नर्स’ कार्यक्रमको प्रभावकारिता देखिए पनि जनशक्तिको अभाव अझै खड्किएको छ। मकवानपुरका ८४ वटा माध्यमिक विद्यालयमध्ये हाल ४२ वटा विद्यालयमा मात्र नर्स कार्यरत रहेका छन्।

जनस्वास्थ्य कार्यालय मकवानपुर र स्थानीय तहहरूले स्वास्थ्य सेवालाई पारदर्शी बनाउन कार्यालयले मासिक रूपमा प्रगति प्रतिवेदन प्रकाशन गर्दै आएका छन्।