मकवानपुरको हेटौँडा उपमहानगरपालिका–१ चौकीटोलबाट पेस्तोलसहित दुई जना पक्राउ परेका छन्।
सशस्त्र प्रहरी बल नेपाल नं. १४ गण मकवानपुर र APF नेपालको इन्टेलिजेन्स ब्युरोबाट खटिएको संयुक्त टोलीले आज शनिवार करिब १२:१५ बजे बा.प्र.०३–००१ ह ११८१ नम्बरको अटो चेकजाँच गर्ने क्रममा उनीहरूलाई नियन्त्रणमा लिएको हो।
चेकजाँचका क्रममा अटो भाग्न खोजेपछि प्रहरीले एक राउण्ड हवाई फायर गरेको थियो। त्यसपछि अटोमा सवार दुई जनालाई पेस्तोल र गोलीसहित नियन्त्रणमा लिइएको सशस्त्र प्रहरीले जनाएको छ।
पक्राउ पर्नेमा मकवानपुरको मनहरी गाउँपालिका–६ नयाँबस्तीका २७ वर्षीय सुनबहादुर तामाङ र २२ वर्षीय विश्वराज तामाङ रहेका छन्।
उनीहरूको साथबाट ७.६५ एमएम क्यालिबरको एक थान सेमी अटोमेटिक पेस्तोल, सोही पेस्तोलमा लाग्ने एक थान म्यागजिन र पिँदीमा चोट लागेको अवस्थामा एक राउण्ड गोली बरामद गरिएको छ।
पक्राउ परेका दुवै जना र अटोलाई आवश्यक अनुसन्धान तथा कारबाहीका लागि सशस्त्र प्रहरी गणमा राखिएको जनाइएको छ।
भीमफेदी दुर्घटनामा ज्यान गुमाएका सुन्दरपुरका १२ जनाको सामूहिक दाहसंस्कार, शोकमा गाउँ
प्रधानमन्त्री कार्यालयद्वारा भीमफेदी दुर्घटनाप्रति दुःख व्यक्त, घाइतेको उपचार र क्षतिपूर्तिको प्रक्रिया अघि बढाइयो
