काठमाडौं । मोरक्कोलाई हराउँदै क्रोएसियाले कतारमा जारी फिफा विश्वकप फुटबलमा तेस्रो स्थान हासिल गरेको छ ।
शनिबार राति भएको खेलमा क्रोएसियाले मोरक्कोलाई २–१ ले हराउँदै तेस्रो स्थान हासिल गरेको हो ।
क्रोएसियालाई विजयी गराउन जोस्को भार्डीयोल र मिस्लाभ ओर्सिचले एक एक गोल गरे भने मोरक्कोका अच्रफ दारीले एक गोल फर्काए ।
खेलको सातौं मिनेटमा जोस्कोले हेडरमार्फत गोल गर्दै क्रोएसियालाई अग्रता दिलाएका थिए । तर, नवौं मिनेटमा दारीले गोल गर्दै मोरक्कोलाई १–१ को बराबरीमा ल्याए । त्यसपछि ४२ औं मिनेटमा ओर्सिचले गोल गर्दै क्रोएसियालाई २–१ को जित दिलाए ।
क्रोएसियाको यो जितसँगै मोरक्कोको विश्वकप यात्रा चौथो स्थानमै सिमित बन्यो ।
क्रोएसियाले भने विश्वकप फुटबलमा दोस्रो पटक तेस्रो स्थान लिन सफल भयो । यसअघि सन् १९९८ को विश्वकपमा पनि क्रोएसिया तेस्रो भएको थियो । रुसमा चार वर्षअघि भएको विश्वकप फुटबलमा क्रोएसिया उपविजेता बनेको थियो ।
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
