काठमाडौँ — सोलुखुम्बुको सुर्केबाट काठमाडौंका लागि उडेको मनाङ एयरको हेलिकप्टर सोलुदूधकुण्ड गाउँपालिकाको लामजुरा क्षेत्रमा दुर्घटनाग्रस्त भएको छ । मंगलबार बिहान सोलुखुम्बुको सुर्के हेलिप्याडबाट ५ मेक्सिकन यात्रु लिएर काठमाडौं उडेको मनाङ एयरको हेलिकप्टर सोलु दूधकुण्ड गाउँपालिका वडा नम्बर २ को लामजुरा क्षेत्रमा दुर्घटनाग्रस्त भएको बेनी प्रहरी चौकीले जनाएका छ ।

दुर्घटनास्थलमा रहेका बेनी प्रहरी चौकीका प्रहरी सहायक निरीक्षक(असई) निराजन बस्नेतले दुर्घटना भएको पुष्टि गरे । ‘हामी दुर्घटनास्थलमा छौँ । हेलिकप्टर दुर्घटना भएको हो । थप जानकारी पछि गराउनेछौं,’ इकान्तिपुरसँगको छोटो कुराकानीमा असई बस्नेतले भने ।

सोलुखुम्बुको सुर्केबाट ९ एन एमभी कलसाइन रहेको हेलिकप्टर बिहान १० बजेर १२ मिनेटपछि सम्पर्कविहीन भएको थियो । नागरिक उड्डयन प्राधिकरणका सहप्रवक्ता ज्ञानेन्द्र भुलका अनुसार ९ बजेर ५२ मिनेटमा सुर्कीबाट उडेको हेलिकप्टरमा चालक चेतबहादुर गुरुङसहित ५ जना विदेशी यात्रु थिए ।

लुक्ला विमानस्थलको मौसम खराब भएकाले काठमाडौंबाट गएको उक्त हेलिकप्टर सुर्केमै अवतरण गरिएको थियो । यात्रुहरूलाई सुर्केसम्म गाडीबाटै ल्याएर काठमाडौं उडाइएको थियो ।

हेलिकप्टर लामाजुराडाँडासम्म सम्पर्कमा रहेको र काठमाडौंको टावरलाई ह्यान्डओभर गर्नासाथ सम्पर्कविच्छेद भएको तेन्जिङ हिलारी विमानस्थल लुक्लाका एटीसी अफिसर सागर कँडेलले बताए । साभार  e kantipur

२६ असार २०८०, मंगलवार प्रकाशित

संबन्धित शिर्षकहरु

हेटौंडा–काठमाडौं यात्रालाई सहज बनाउने नयाँ विकल्प: भीमफेदी–कोगटे–इपा–सिस्नेरी सडकको अध्ययन तीव्र

प्रतिनिधि सभा बैठक लाईभ

वि. सं.२०८३ सालका शुभ मुहूर्तहरु

यो पनि हेर्नुहोस

आजको पञ्चाङ्ग र राशिफल (वि. सं २०८३ जेठ ६ गते बुधबार, अधिक ज्येष्ठ शुक्लपक्ष चतुर्थी)

३० खर्ब हाराहारी पुग्यो सार्वजनिक ऋण

प्रस्तावित प्रधानन्यायाधीश शर्मामाथि परेका उजुरी कस्ता छन्!