हेटौंडा/मकवानपुरको विभिन्न स्थानबाट प्रहरीले लागुऔषध सहित ६ जनालाई पक्राउ गरेको छ। आईतवार बिहान करिब ९ बजेको समयमा हेटौंडा -१० स्थित बसपार्कमा रहेको प्रहरी चौकीबाट खटिएको प्रहरी टोलीले बसपार्कबाट १९ वर्षीय ईन्ताज आलमलाई नियन्त्रणमा लिएको छ ।
उनको साथबाट ५ किलो ४०० ग्राम लागुऔषध गाँजा बरामद गरिएको जिल्ला प्रहरी कार्यालय मकवानपुरले जनाएको छ । पक्राउ परेका उनलाई जिल्ला अदालत मकवानपुरबाट १० दिनको म्याद थप गरी थप अनुसन्धान भइरहेको जिल्ला प्रहरी कार्यालय मकवानपुरका प्रवक्ता लक्ष्मी भण्डारीले जानकारी दिए । यस्तै आज दिउँसो करिब १:४५ बजेको समयमा मकवानपुरको मनहरी गाउँपालिकाबाट ६ किलो २ सय ३५ ग्राम लागुऔषध चरेससहित ५ जनालाई पक्राउ गरेको छ। जिल्ला प्रहरी कार्यालय मनहरीबाट खटिएको प्रहरी टोलीले मनहरी गाउँपालिका-७ प्रहरी कार्यालय अगाडि चेकजाँच गर्दा चितवनबाट हेटौँडातर्फ आउँदै गरेको ना३च७४०४ नम्बरको कारबाट १०० ग्राम चरेस बरामद गरेको हो।
प्रहरीका अनुसार कार चालक बाराका २१ वर्षीय याकुब खान र कारमा रहेका अन्य ४ जनालाई समेत नियन्त्रणमा लिइएको छ। पक्राउ पर्नेमा बाराका २० वर्षीय मुकेश राम भन्ने मुस्तकी राम, पर्साका २० वर्षीय इरमान आलम र २१ वर्षीय सोयल मिया रहेका छन्।
उनिहरुलाई पक्राउ गरेपछि थप सोधपुछमा उनीहरूले मनहरी-६ का ४२ वर्षीय रामनारायण श्रेष्ठबाट लागुऔषध लिएको बताएपछि श्रेष्ठको घर खानतलासी गर्दा थप ६ किलो १३५ ग्राम चरेस फेला परेको प्रहरीले जनाएको छ। प्रहरीका अनुसार श्रेष्ठसहित सबै पक्राउ परेका सबैलाई अदालतबाट ७ दिनको म्याद लिइ अनुसन्धान भइरहेको जिल्ला प्रहरी कार्यालय मकवानपुरले जनाएको छ।
मुख्यमन्त्री थापामगरको विश्वासको मतमा राप्रपाभित्र दुई धार
मन्त्रीको आगमनबारे गलत सन्देश फैलाइएको भन्दै सांसद गौतमको आपत्ति
मिटरब्याज पीडितद्वारा न्यायको माग गर्दै हेटौंडामा विरोध प्रदर्शन
एमालेको जागरण अभियान तथा अभिमुखीकरण कार्यक्रम सम्पन्न
राप्रपाको समर्थनबारे केन्द्र र बागमतीबीच फरक दाबी
