विवाहको खर्च कटौती, बुद्ध मूर्ति स्थापना गरे पत्रकार विष्टले

नेपाल कलम संवाददाता

१८ माघ २०८०, बिहीबार प्रकाशित

मकवानपुरका अग्रज पत्रकार प्रताप विष्टले आफ्नो छोरा घोषणाको विवाह भोजको खर्च कटौती गरेर बुद्धको मूर्ति स्थापना गर्नु एउटा सराहनीय कदम हो।

उनले विलासिता र भडकिलो खर्चभन्दा समाजको लागि उपयोगी काममा लगानी गर्नु एउटा उत्तम उदाहरण हो । छोरा घोषणाको विवाह भोजको खर्च कटौती गरी बुद्धको मूर्ति स्थापना गरेका छन्। उनले विवाह भोजको खर्चबाट कुष्माण्ड सरोवरमा १२ लाखको बुद्ध मूर्ति स्थापना गरेका छन्।

हेटौंडा-९ स्थित धार्मिक पर्यटकीयस्थल कुष्माण्ड सरोवर त्रिवेणीधाममा गौतम बुद्धको अष्टधातुको १२ लाख बराबरको ५ फिट अग्लो बुद्ध मूर्ति स्थापना गरेका छन् ।

मूर्तिको हेटौंडा उपमहानगरपालिकाका प्रमुख मीना लामा र उपप्रमुख राजेश बानियाँले अनावरण गरेका थिए । कार्यक्रममा हेटौंडाका जनप्रतिनिधि, मकवानपुरका प्रमुख जिल्ला अधिकारी सूर्यराज सेढाई, प्रहरी उपरीक्षक सिताराम रिजाल, राजनीतिक दलका प्रतिनिधि, सामाजिक क्षेत्रका महानुभाव, संचारकर्मी लगायतको उपस्थिति रहेको थियो ।

पत्रकार विष्टका कान्छा छोरा घोषणा बुधबार सुजता कार्कीसंग वैवाहिक बन्धनमा बाँधिएका थिए ।

मूर्ति अनावरण समारोहमा स्थानीय प्रतिनिधि र अधिकारीको उपस्थिति थियो।