पारदर्शिता बढाउन हेटौंडा उपमहानगरको बैठक पहिलो पटक लाइभ स्ट्रिमिङ

नेपाल कलम संवाददाता

२६ माघ २०८०, शुक्रबार प्रकाशित

हेटौंडा उपमहानगरपालिकाको कार्यपालिका बैठक पहिलो पटक प्रत्यक्ष प्रसारण गरिएको छ। पालिकाको बैठकका निर्णय सार्वजनिक नगरेको भन्दै सामाजिक सञ्जाल र स्थानीय सञ्चार माध्यममा आलोचना भइरहेको बेला पालिकाले बैठकको प्रत्यक्ष प्रसारण गरेको हो।

नगर प्रमुख मीनाकुमारी लामाको अध्यक्षतामा भएको बैठकले आर्थिक सहयोग, भगिनी सम्बन्ध, पर्यटन प्रवर्धन र सामुदायिक संस्थालाई जग्गा उपलब्ध गराउने विषयमा छलफल गरिरहेको छ।

यसले हेटौंडा उपमहानगरपालिकाको कार्यसम्पादन र पारदर्शिता बढाउन प्रयासको थालनी गर्न सक्छ।