मकवानपुरको खोटार खानी अव्यवस्थित भएको गुनासोपछि छलफल, खानी बन्द गर्ने निर्णय

नेपाल कलम संवाददाता

2024-02-24 प्रकाशित

मकवानपुर गढी गाउँपालिका स्थित खोटार खानीमा भएको अव्यवस्थित उत्खननबारे ब्यापक गुनासोपछि आज खानी क्षेत्रमै छलफल भएको छ।

मकवानपुर क्षेत्र २ का सांसद महेश कुमार बर्तौलाको नेतृत्वमा खानी क्षेत्रको अनुगमन गरिएको छ। अव्यवस्थित उत्खनन र ओभरबर्डेनका कारण तल्लो बस्ती जोखिममा परेको भन्दै अनुगमन गरिएको हो।

छलफलबाट खानीबाट निस्केको ओभरबर्डन व्यवस्थित गर्ने, यस काम सम्पन्न नभएसम्म खानी उत्खनन बन्द गर्ने र प्रभावित क्षेत्रको संरक्षणलगायतका काम गर्ने निर्णय भएको छ।

अनुगमनमा जिल्ला समन्वय समिति मकवानपुरका प्रमुख ललित घलान, प्रमुख जिल्ला अधिकारी सूर्यप्रसाद सेढाइलगायत स्थानीय बासिन्दासहितले खानी क्षेत्रको अवलोकन गरेका थिए।

2024-02-24 प्रकाशित

तपाईको प्रतिक्रिया