हेटौंडामा भएको खुल्ला राष्ट्रिय पुरुष हेटौंडा रन प्रतियोगिताको उपाधि काठमाडौंका धावक मुकेश पालले जितेका छन्।
उनले १५ मिनेट २२ सेकेन्डमा ५ किलोमिटर दूरी पूरा गर्दै विजेता बनेका हुन्। दोस्रो स्थान जुम्लाका दुर्गा बहादुर बुढाले र तेस्रो स्थान काठमाडौंका सञ्जय श्रेष्ठले हासिल गरेका छन्।
प्रतियोगितामा टंक कार्की र नागेश्वर अयरले सान्त्वना पुरस्कार प्राप्त गरेका थिए । प्रतियोगितामा प्रथम हुनेले नगद ६० हजार, दोस्रोले ५० हजार, तेस्रोले ३० हजार, सन्त्वना पुरस्कारतर्फ नगद १०÷१० हजार प्राप्त गरेका छन् ।
प्रतियोगितामा विजयी भएका धावकहरूलाई नगरप्रमुख मिनाकुमारी लामा, उपप्रमुख राजेश बाँनिया, प्रमुख प्रसाशक शिव राज चौलागाई तथा नगर खेलकुद बिकास समितिका अध्यक्ष रवीन्द्र घिमिरे लगायतले नगद पुरस्कार, प्रमाणपत्र र मेडल प्रदान गरेका थिए। १८ जिल्लाका ९२ जना धावक सहभागी रहेको प्रतियोगिता बुद्धचोकबाट सुरु भई पुनः बुद्धचोकमा सकिएको थियो। ६९ वर्षीय प्रेमजी श्रेष्ठलाई ज्येष्ठ धावकको रूपमा सम्मान पनि गरिएको थियो।
श्रमिक अधिकारको संरक्षण र रोजगारी विस्तारमा जोड: मुख्यमन्त्री बानियाँ
चितवनमा दोस्रो संस्करणको ‘चितवन अटो शो २०२६’ सुरु, ५० करोड कारोबार लक्ष्य
